Mjúkt Hatha YogaÞessir tímar eru fullkomnir fyrir þau sem vilja taka tíma bara fyrir sig, hlúa að sér, gefa sér hvíld frá öllu og undirbúa sig fyrir góðan nætursvefn.
Hver tími hefst á hugleiðslu og öndunaræfingu. Þaðan tekur við mjúkt flæði þar sem við njótum þess að hreyfa líkamann okkar á meðvitaðan hátt með því að draga athyglina inn á við og hlusta á líkamann. Mjúkt flæði þar sem byggður er upp styrkur í leiðinni. Hver tími endar í hugleiðslu, ró og slökun.
Þessir tímar henta bæði byrjendum og lengra komnum. Einnig henta þeir öllum kynjum, aldurshópum, stærðum, gerðum og stirðum líka!
Í tímumunum verður vel farið yfir hverja stöðu og einnig yfir líkamsstöðu- og beitingu til að hámarka virkni og þú lærir að aðlaga hverja stöðu eftir þínu höfði - t.d með aðstoð kubba, strappa og púða.
Hatha yoga snýst um að finna jafnvægi milli líkama, hugar og sálar. Hatha yoga er mjúkt flæði þar sem farið er rólega úr einni stöðu yfir í aðra á meðvitaðan hátt í takt við andardráttinn. ‘Ha’ þýðir sól og ‘tha’ er tunglið og iðkun hatha yoga sameinar þessar orkur og myndar jafnvægi milli þeirra.
Kostir þess að gera yoga fyrir svefninn:
- Getur komið í veg fyrir svefnleysi og andvöku.
- Bætir gæði svefnsins og lífsins yfir höfuð.
- Hefur róandi áhrif á líkama og huga.
- Gæti minnkað blóðþrýsting.
- Kemur jafnvægi á framleiðslu stresshormónsins kortisól.
- Eykur blóðflæði.
- Léttir á vöðva og liðverkjum.
- Dregur úr stressi, kvíða og þunglyndi.
Námskeiðið hefst 18.apríl til 9.maí og verður á mánudögum og fimmtudögum frá 20:15 - 21:15.
Námskeiðisgjald er 14.000 kr. og skráning hefst 10.apríl.
Hægt er að mæta í staka tíma og kostar þá tíminn 2.900 kr. Ef þú vilt mæta í staka tíma sendu mér þá tölvupóst áður á
mariarunb@gmail.com. Ekki hika við að hafa samband á sama netfang ef einhverjar spurningar liggja fyrir.
